MISIÓN
IMPOSIBLE: A
volta ao mundo en 14 preguntas
Hoxe
propoñémosche dar a volta ao mundo a través de 14 preguntas. En
cada pregunta terás que descubrir unha montaña, animal, país, etc.
e esa resposta vaiche dar unha pista para responder á seguinte
pregunta, polo tanto, para saber a resposta á pregunta 2 necesitas a
resposta á pregunta 1, e así sucesivamente ata chegar a resposta á
última pregunta. Dúas recomendacións:
CADA VEZ QUE
TEÑAS A RESPOSTA A UNHA PREGUNTA BUSCA FOTOS EN INTERNET e disfruta
desas paisaxes, animais, bosques, xa que son todos
espectaculares!!!!
SE NON ATOPAS
INFORMACIÓN EN GOOGLE EN GALEGO, BUSCA EN CASTELÁN (E SE TE
ATREVES EN INGLÉS!), xa que hai información diferente nos
distintos idiomas.
Aí
van as preguntas:
1) En que illas
está a colonia máis grande do mundo de gaivotas patiamarelas?
2)
Nas antípodas destas illas, atópase outra illa bañada por un mar
con nome de demo e cunha lago burbulleante de moitas cores. De que
illa falamos?
3)
Non moi lonxe e un pouco máis ao norte, atópanse unhas illas que
forman un país con nome de galleta. Nese país hai unhas montañas
cun nome rico, rico. Seguro que volas comeriades. Como se chaman esas
montañas?
4)
Agora imos deixar as illas e o mar e imos a penetrar no continente ao
que pertencen as montañas e o país do que falamos no punto 3. Neste
continente, existen unhas espectaculares montañas que inspiraron os
escenarios dunha película con personaxes azuis. De que país
falamos?
5)
Na fronteira dese país está unha montaña que serve de fronteira
con outros países, famosa pola súa altura. Que montaña é?
6)
Existe un país que empeza pola mesma letra que esa montaña. Nese
país atópase o único lugar da Terra onde non existe vida.
De
que país falamos?
7)
No mesmo continente que o país do punto anterior, existe un animal
moi curioso, que só se atopa alí e que parece unha mestura dunha
cebra e outro animal. De que animal estamos a falar?
8)
O país onde viven eses animais limita con outro país cunhas
cataratas moi famosas, sen dúbida, as máis grandes do continente.
Que cataratas son?
9) Agora
crucemos o océano Atlántico e……estamos noutro continente.
Neste continente existen outras cataratas moi famosas e que foron
noticia este ano porque levaban moi pouca auga. Cales son?
10)
No mesmo continente que estas cataratas atópase unha selva moi
importante para o planeta Terra que é Patrimonio da Humanidade. Cal
é?
11)
No mesmo continente pero no norte existe outro lugar declarado
Patrimonio da Humanidade no que está un parque natural cunhas
árbores moi grandes no que se rodou “A guerra das galaxias”.
12)
Nese parque existe unha árbore xigante e famosa. Esa árbore ten un
nome igual a un dos satélites dun planeta do sistema solar. Que
planeta é?
13)
O planeta que está xusto antes do planeta que descubristes no
apartado anterior (empezando dende o Sol), ten un satélite cun nome
con só dúas letras. Que satélite é?
14)
Agora, pon unha “ H” diante dese nome. Onde chegamos?
