GALEGO

OS MAIOS

Dentro das moitas celebracións que se fan en Galicia está a dos Maios. No Morrazo non hai moita tradición de celebrar esta festa, pero en Marín, Pontevedra e aínda máis en Ourense son moi populares.

Os Maios teñen 2 partes ben diferenciadas:

- Por un lado, está a figura que se fai con aramio, madeira e vexetais ( flores, fiuncho, musgo..)

- Por outra banda, as coplas que se compoñen para despois ser cantadas acompañadas por unha percusión que se fai con dous paos.

Mándovos unhas fotos dun maio que se fixo este ano en Marín para que vos fagades unha idea de como é. Ter en conta que as persoas que levan o maio van por toda a parroquia, lugar, cidade portando a figura e cantando. Este ano por todo o que está pasando non poideron facelo así, pero non renunciaron á celebración.

Dito todo isto, propóñovos escribir unha estrofa para ser cantada. A estrofa ten que ter catro versos de oito sílabas e teñen que rimar os pares. o tema das estrofas deste Maio de 5º deberían referirse á situación que estamos pasando: estar na casa confinados, non poder ver á familia nin aos amig@s, non poder ir á escola... Xa fixemos composicións deste tipo na clase, por exemplo no Entroido. Se sodes capaces de facer máis dunha estrofa mellor. A miña idea é facer unha recopilación e cantar un Maio entre todos.

Un exemplo podería ser:

Non poden saír os maios Non- po-den-sa-ír-os-ma-ios 8-

por un virus traicioneiro, por-un-vi-rus-trai-cio-nei-ro 8a

pero no teletraballo, pe-ro-no-te-le-tra-ba-llo 8-

si que o celebraremos. si-que-o ce-le-bra-re-mos 8a

Agora seguiriades vós coas vosas estrofas. Veña animádevos que nos pode quedar un traballo bonito.

Mandádema as estrofas ao meu e-mail: cachiso@gmail.com